ამ ეტაპზე მადრიდის „რეალში“ მარიანო დიასის ხელფასი 4.5 მილიონი ევროა, „ბენფიკას“ შემოთავაზება კი შედარებით მოკრძალებულად სჩანს.

O Jogo-ს ინფორმაციით, „ბენფიკა“ მარიანოს იჯარით, მაგრამ გამოსყიდვის უფლებით წაიყვანს და თუ სურვილი ექნება, მომდევნო სეზონის ბოლოს ფეხბურთელთან მრავალწლიან კონტრაქტს გააფორმებს.

ხელფასი, რომელიც 4.5 მილიონს შეადგენს პორტუგალიური კლუბისთვის მისაღები არ არის, დიასი კი სხვა პირობებს არ თანხმდება.

ვრცელდება ინფორმაცია, რომლის მიხედვითაც, „ბენფიკა“ „რეალს“ მარიანოს ხელფასის 30%-ის გადახდას ითხოვს, დანარჩენ 70%-ს კი თავად დაფარავს.

აღნიშნულ წყაროზე დაყრდნობით, მოლაპარაკებები გადამწყვეტ ფაზაშია შესული და ძალიან მალე შემდგარ ტრანსფერს ვიხილავთ.