ბრიტანული გამოცემების ცნობით, ხამეს როდრიგესმა მომავალი კლუბი იპოვა. The Telegraph-ის ინფორმაციით, კოლუმბიელი ფეხბურთელის ახალი ნავსაყუდელი „ევერტონი“ იქნება...

ამავე წყაროზე დაყრდნობით, კარლო ანჩელოტიმ საკუთარი ავტორიტეტი ბოლომდე გამოიყენა და კოლუმბიელ მოთამაშეს ლივერპულურ გუნდში გადასვლის გადაწყვეტილება მიაღებინა.

კარლიტო ხამესის შეძენით ზამთარშიც ინტერესდებოდა, მაგრამ თავად ფეხბურთელმა არ ისურვა „ევერტონში“გადასვლა.

ახლა ხამესს სხვა გზა არ აქვს, მისთვის „ბლანკოსში“ კიდევ ერთი სეზონით დარჩენა ფორმიდან აბსოლუტურ ამოვარდნას გამოიწვევს, ამიტომ კლუბის შეცვლა ოპტიმალური გამოსავალია.

ასევე Telegraph-ის ინფორმაციით, „ლურჯები“ მოთამაშის სანაცვლოდ 30 მილიონ ევროს გაიღებენ, რაც ფლორენტინო პერესისთვის სავსებით მისაღებია.

შეგახსენებთ, „რეალმა“ ხამესი სწორედ ანჩელოტის მთავარი მწვრთნელობის დროს 80 მილიონ ევროდ იყიდა.