იტალიურ პრესაში ვრცელდება მრავალი ინფორმაცია იმის შესახებ, რომ მილანის "ინტერის" ჰოლანდიელი ნახევარმცველი, უესლი სნეიდერი, მომავალი სეზონიდან კვლავ "ბლანკოსის" ღირსებას დაიცავს. შეგახსენებეთ, უესლი გუნდიდან შარშან წავიდა.

ნახევარმცველის ესპანეთში დაბრუნებას, ჟოზე მაურინიოს "თეთრების" მთავარი მწვრთნელის პოსტზე დანიშვნას უკავშირებენ. პორტუგალიელი დამრიგებელი უესლის გარეშე არ აპირებს სამეფო კლუბის გაწვრთნას. გთავაზობთ მაურინიოს კომენტარს ამ საკითხთან დაკავშირებით.

"ჩემთვის უესლი ძალიან ბევრს ნიშნავს, წლევანდელ ჩემპიონობაში ჰოლანდიელ ფეხბურთელს უდიდესი წვლილი მიუძღვის, მან ფასდაუდებელი სამუშაო გასწია და დაიმსახურა ევროპის ყველაზე პრესტიჟული ტურნირის მოგება, მე მასთან მუშაობა ძალიან მსიამოვნებს და ვიმედოვნებ, რომ ჩვენი ერთად ყოფნა კიდევ დიდხანს გაგრძელდება".

ამ ინტერვიუს შემდეგ ყველა ალაპარაკდა იმაზე, რომ სნეიდერი კვლავ გახდება რეალის ფეხბურთელი და თეთრ მაისურს მოირგებს. დონ ფლორენტინოს ზაფხულის სატრანსფერო ფანჯრის დროს სერიოზული მოთხოვნების დაკმაყოფილება მოუწევს.