„რეალიდან“ „დორტმუნდში“ კიდევ 1 ფეხბურთელი მიდის?
ესპანური და გერმანული გამოცემების ცნობით, მადრიდის „რეალი“ და დორტმუნდის „ბორუსია“ კიდევ ერთი ფეხბურთელი იჯარაზე აწარმოებენ მოლაპარაკებებს.
საქმე ეხება როდრიგო გოეშს. BVB ბრაზილიელ წინახაზელს ჟეიდონ სანჩოს შემცვლელად განიხილავს. ვრცელდება ინფორმაცია, რომლის მიხედვითაც, სანჩო გერმანიაში აღარ დარჩება და მანჩესტერ „იუნაიტედი“ ბოლობოლო დასახულ მიზანს მიაღწევს.
ზიზუმ გოეშის გაშვებაზე დაახლოებით 10 დღის წინ უარი განაცხადა, მაგრამ გეგმები იცვლება.
სამეფო კლუბს სამოქმედო გეგმა აქვს. ფლორენტინო პერესი გარკვეულ გარანტიებს ითხოვს, რომლის მიხედვითაც, ერლინგ ჰოლანდი 2022 წელს მადრიდის „რეალის“ ფორვარდი უნდა გახდეს.
შეთანხმების მიღწევის შემთხვევაში, როდრიგო „დორტმუნდში“ 1 წლით წავა და მადრიდელებს 2021 წლის ზაფხულში დაუბრუნდება. ამ შემთხვევაში არ გათამაშდება რეინიერს სცენარი, რომლის იჯარაც 2 წელიწადს მოიცავს.
- 21 აგვისტო 2020
- 4 289
- 3
ინფორმაცია
ჯგუფ სტუმარი-ის წევრებს არ აქვთ კომენტარის დატოვების უფლება.
