რონალდ კუმანი კატალონიის „ბარსელონაში“ რამდენიმე ცვლილებას გეგმავს. ვრცელდება ინფორმაცია, რომლის მიხედვითაც, კონტრაქტის შეთანხმებამდე კუმანმა რამდენიმე მოთამაშე მოითხოვა და თანხმობაც მიიღო...

კატალონიელთა ახალი მწვრთნელის ერთ-ერთი სიმპატია დონი ვან დე ბეეკია, რომელსაც უკვე მეორე წელია მადრიდის „რეალს“ უკავშირებენ. მეტიც, ჰოლანდიელ ნახევარმცველთან დაკავშირებით სიტყვიერი შეთანხმებაც არსებობდა.

კუმანს სურს, რომ საკუთარი თანამემამულე „ბარსელონას“ წევრი გახადოს, ვინაიდან თვლის, რომ ვან დე ბეეკი დე იონგთან შესანიშნავ დუეტს შექმნის.

ესპანური გამოცემები იუწყებიან, რომ „ბარსელონას“ აქტიურობა ფლორენტინო პერესსაც გააქტიურებს, რომელმაც დონის გამადრიდელების პროცესი ძალიან გაწელა.

როგორც სჩანს, ვან დე ბეეკისთვის პრეზიდენტების „ელ კლასიკოს“ ვიხილავთ.