იტალიური გამოცემები იუწყებიან, რომ მადრიდის „რეალი“ იტალიური ფეხბურთის იმედს ყიდულობს...

საქმე ეხება ნიკოლო ძანიოლოს. ფეხბურთელს, რომელზეც პრეტენზიას ძალიან ბევრი კლუბი აცხადებს, მათ შორის იტალიური გრანდებიც.

ძანიოლო ძალიან დიდ პერსპექტივას ფლობს. ნიკოლოს იტალიური ფეხბურთის ტოპ ვარსკვლავს უწოდებენ და სჯერათ, რომ ის ნაკრების უდავო ლიდერიც გახდება.

ტრანსფერის სავარაუდო თანხად 65 მილიონი ევრო სახელდება.

გავრცელებული ინფორმაციით, „რეალი“ ტრანსფერს ახლა დაიწყებს და 2021-ის ზაფხულში დაასრულებს, რაც იმას ნიშნავს, რომ მოთამაშის სანაცვლოდ პერესი ამ ზაფხულს 30 მილიონს გადაიხდის და 6 წლიან კონტრაქტს მოაწერს ხელს, თუმცა შემტევს 1 წლით კვლავ იტალიაში დატოვებს, ხოლო თანხის სრულად დაფარვის შემდეგ „ბლანკოსში“ გადმოყვანას შეძლებს.