მადრიდის „რეალის“ ყოფილი მოთამაშე, შესაძლოა ზიდანის გუნდის უდიდესი მტრის, „ატლეტიკოს“ რიგებში გადავიდეს...

საქმე სამი ხედირას ეხება. ტურინის „იუვენტუსის“ მთავარი მწვრთნელი, ანდრეა პირლო თვლის, რომ გერმანელმა მოთამაშემ იტალიაში შესაძლებლობები ამოწურა და გუნდი უნდა დატოვოს.

ხედირას ერთ-ერთი მსურველი „ატლეტიკო“ გახლავთ. იტალიური გამოცემები იტყობინებიან, რომ „იუვენტუსი“ ტომას პარტეის დამატებით არიან დაინტერესებულები და შესაძლოა ტრანსფერში სამი ხედირა ჩართონ, რათა სატრანსფერო თანხა შემცირდეს.

თუ ტრანსფერი შედგება, „რეალის“ ქომაგებისთვის ეს ინფორმაცია ნამდვილად არ იქნება სასიამოვნო, ვინაიდან ხედირა გახდება მოთამაშე, რომელსაც უთამაშია როგორც „ბლანკოსის“, ასევე მისი მოსისხლე მტრის რიგებში.