მიუხედავად იმისა, რომ მადრიდის „რეალის“ სატრანსფერო პოლიტიკა აქტიური იყო, კლუბმა რონალდუს სრულფასოვანი შემცვლელი მაინც ვერ დაიმატა და არაერთი ტრანსფერი სულ ტყუილად განახორციელა...

ფლორენტინო პერესმა 474 მილიონი ევრო დახარჯა, აქედან 115 მილიონი ევრო ედენ აზარზე დაიხარჯა, თუმცა ციფრები და სტატისტიკა ძალიან ცუდია.

ვინისიუსი 45 მილიონი, კურტუა, 35 მილიონი, ოდრიოზოლა 30 მილიონი, მარიანო 21 მილიონი, ბრაჰიმ დიასი 17 მილიონი - ეს ტრანსფერები 2018/19 წლების სეზონის წინ მოხდა.

რაც შეეხება 2019/20 წლების სეზონის წინა ტრანსფერებს - აზარი 115 მილიონი, ლუკა იოვიჩი 60 მილიონი, ედერ მილიტაო 50 მილიონი, ფერლან მენდი 48 მილიონი, როდრიგო გოეში 45 მილიონი.

მიუხედავად იმისა, რომ „რეალმა“ ბოლო ორ წელიწადში თითქმის ნახევარი მილიონი ევრო დახარჯა. გუნდში ჯერ კიდევ არ არის ჩამოყალიბებული აზრი თავდასხმის გაძლიერების შესახებ, კოლექტივს ასევე არ ჰყავს სერხიო რამოსის რეალური შემცვლელი, კაზემიროს რეალური შემცვლელი და ასე შემდეგ.

ყოველივე აღნიშნულიდან გამომდინარე, არაერთი ესპანური გამოცემა წერს, რომ ფლორენტინო პერესი თუ მიმდინარე ზაფხულს არა, 2021-ში ძალიან იაქტიურებს, ვინაიდან იმ დროისთვის მოდრიჩის მადრიდული კარიერაც დიდი ალბათობით დასრულდება, მარსელოსა და რამოსს ასაკი კიდევ უფრო მოემატებათ და გუნდში ბენზემას რეალურ შემცვლელზეც დაიწყება საუბარი.