საფრანგეთის ნაკრებისა და მადრიდის რეალის ნახევარმცველი ლასანა დიარა მსოფლიოზე ვერ იასპარეზებს.

ეს ინფორმაცია საფრანგეთის ფეხბურთის ფედერაციის ოფიციალურმა საიტმა გუშინ გაავრცელა. ფრანგ ფეხბურთელს კუჭ-ნაწლავის პრობლემები აწუხებს, ხოლო ნაკრების ექიმების განცხადებით, მისი დაავადების მკურნალობას გარკვეული დრო დასჭირდება, რის გამოც ის მუნდიალზე წასვლას ვერ მოახერხებს. ამ ფაქტმა ძალიან დაამწუხრა დომენეკი. "ძალიან რთულია ასეთი ფეხბურთელის დაკარგვა, მე ის მუნდიალზე მიმყავდა, რაც იმას ნიშნავს რომ სხვებზე უფრო იმსახურებდა ნაკრებში თამაშს. ვნახოთ როგორ განვითარდება მოვლენები. მისი შემცვლელის პოვნა მარტივი არ არის." - განაცხადა საფრანგეთის მწვრთნელმა.