ნიკოლა ანელკამ „რეალისა“ და „სიტის“ დაპირისპირების შესახებ ისაუბრა.

„მე ვფიქრობ, რომ „სიტი“ ძალიან დიდი შემოსავლისა და შესაძლებლობების მქონე გუნდია, მაგრამ ჩემპიონთა ლიგაზე „რეალის“ გამოცდილებას ფასდაუდებლად მივიჩნევ.“

„ვერ გეტყვით, რომელი გუნდი გავა შემდგომ ეტაპზე. ზიდანმა საკუთარი შესაძლებლობები დაამტკიცა, თუმცა ისიც კარგად ვიცით, რა შეუძლია გუარდიოლას.“

„პირველი წელი მადრიდში არცერთი ფეხბურთელისთვის არ არის მარტივი. მე ვიცი, რა ხდება „ბლანკოსში“ და რა მოთხოვნებია ამ კლუბში.“

„ბენზემასთან ერთად საფრანგეთის ნაკრები კიდევ უფრო სოლიდური იქნებოდა, თუმცა ახლა „მამლებში“ იმხელა რესურსია, რომ კარიმის დაბრუნება გამორიცხული მგონია.“