ესპანური გამომცემლობა "AS" იუწყება, რომ პერესსა და მოურინიოს შორის უკვე მიღწეულია სიტყვიერი შეთანხმება და ეს ყველაფერი 2 დღის წინ 21 მაისს მოხდა.

პორტუგალიელ მწვრთნელს მხოლოდ ხელის მოწერაღა დარჩა სამეფო კლუბის თავკაცობამდე. მიუხედავად ამისა ფლორენტინო პერესი ჩქარობს მოურინიოს მთავარ მწვრთნელად დანიშვნას, რადგან მას ეშინია მილანში დაბრუნების შემდეგ მორატიომ ჟოზეს აზრი არ შეაცვლევინოს. მოუ პერესს დაპირდა, რომ საკუთარ მომავალს ლიგის დასრულების შემდეგ გადაწყვეტდა და მართლაც, მას შემდეგ რაც ინტერმა თასი აწია პორტუგალიელმა მწვრთნელმა ინგლისურ და იტალიურ ტელევიზიებთან მიცემულ ინტერვიუში განაცხადა, რომ ის მადრიდის რეალში აპირებდა სამწვრთნელო კარიერის გაგრძელებას.

კონტრაქტის პირობები დღეს ბრიტანულმა გამომცემლობა "Sunday Times"-მა გაავრცელა. მათი ცნობით ჟოზე 4 წლიან კონტრაქტს მოაწერს მადრიდის რეალთან და მისი გასმრჯელო წელიწადში 10 მილიონი იქნება. „ბლანკოსმა“ კი ინტერს პორტუგალიელის კონტრაქტის გამოსასყიდად 16 მილიონი ევრო უნდა გადაუხადოს. შესაძლებელია მორატიმ სამეფო კლუბს ეს თანხა არ მოთხოვოს, რადგან მოურინიომ იტალიურ კლუბს 45 წლის შემდეგ პირველად მოაგებინა ჩემპიონთა ლიგა. თუ ინტერის პრეზიდენტი ამ ფაქტს გაითვალისწინებს შეიძლება ჟოზეს აპატიოს კლუბიდან წასვლის გადაწყვეტილება.

რაც შეეხება პორტუგალიელის მდრიდის რეალის მთავარ მწვრთნელად დანიშვნას, ეს ღონისძიება სავარაუდოდ ერთი კვირის შემდეგ მოხდება, რადგან ჟოზეს შვილები მილანის სკოლაში სწავლობენ და მათ არდადეგები ზუსტად ერთ კვირაში ეწყებათ, მოურინიო კი არ არპირებს ხელი შეუშალოს შვილებს.

ესპანეთის დედაქალაქში გადმობარგების შემდეგ კი, მოურინიო ეცდება მესამეჯერ მოიგოს ჩემპიონთა ლიგა ოღონდ ამჯერად "მადრიდის რეალთან" ერთად.