ზინედინ ზიდანი ტაკეფუსა კუბოზე დიდ იმედებს ამყარებს და თვლის, რომ მას „მალიორკაზე“ მაღალი დონის კლუბში ასპარეზობაც შეუძლია...

ფრანგი სპეციალისტი ანდალუსიელებთან მოლაპარაკებებს პირადად აწარმოებს და ჟულიენ ლოპეტეგისთან გარკვეული მოთხოვნები აქვს.

ზიზუს აზრით, „სევილიაში“ თამაში ტაკესთვის დიდი გამოცდილება იქნება, ვინაიდან ანდალუსიელები ევროსარბიელზეც გამოდიან, თუმცა არსებობს ერთი მნიშვნელოვანი კომპონენტი, რომელიც ლოპეტეგიმ უნდა შეასრულოს.

ზიზუს სურს, რომ ტაკემ ყველა ტურნირზე მინიმუმ 25 დაპირისპირებაში მიიღოს მონაწილეობა, რათა სათამაშო პრაქტიკა ჰქონდეს.

თუ სევილიური მხარე აღნიშნულს გაითვალისწინებს, ტაკეს სევილიაში გადასვლას წინ ვეღარაფერი აღუდგება, 2 წლიანი იჯარის სანაცვლოდ კი ფლორენტინო პერესი 3 მილიონ ევროს მიიღებს.