პრიმერა დივიზიონის მოგების შემდეგ, სამეფო კლუბის ფეხბურთელებს მინი არდადეგების მოწყობის საშუალება მიეცათ.

ჯანდაცვის ორგანიზაციის პროტოკოლის თანახმად, ვარჯიშის განახლებამდე, სამეფო კლუბის ფეხბურთელებს სახლებში ჩაუტარეს ტესტირება COVID 19-ზე.გავრცელბეული ინფორმაციით, „რეალის“ მოთამაშეებისგან მხოლოდ მარიანო დიასის პასუხი გამოდგა დადებითი, რაც იმას ნიშნავს, რომ ფეხბურთელი თვითიზოლაციის რეჟიმზე გადავიდა.

აღსანიშნავია, რომ თავდამსხმელის ჯანმრთელობის მდგომარეობა დამაკმაყოფილებელია.ის კარგად გრძნობს თავს.

რაც შეეხება ზიდანის დანარჩენ შეგირდებს, ისინი დღეიდან შეუდგებენ „მანჩესტერ სიტისთან“ მატჩისთვის მზადების პროცესს.

MARCA