მადრიდის „რეალის“ პრეზიდენტისა და ზინედინ ზიდანის აზრები კვლავ გაიყო.

ახლა მთავარ როლში ლუკას ვასკესია. პერესი თვლის, რომ ესპანელი ფეხბურთელის სანაცვლოდ 25 მილიონი ევროს მიღება გუნდს ძალიან წაადგება, ზიზუს აზრით, კი ლუკასი არსად არ უნდა წავიდეს, ვინაიდან გუნდში მისი საჭიროება დგას.

პრეზიდენტის აზრით, წინა ხაზში ძალიან ბევრმა ფეხბურთელმა მოიყარა თავი და „გაყიდვების“ დრო დადგა.

ფლორენტინოს მტკიცებით, ასენსიო, აზარი, ვინისიუსი და როდრიგო ფლანგებისთვის სრულიად საკმარის ძალას წარმოდგენენ და ბეილი-ბრაჰიმი-ვასკესის ტრიოს გაყიდვა კლუბისთვის საკეთილდღეო იქნება.

შეგახსენებთ, ვასკესის მიმართ ინტერესს „ტოტენჰემი“ იჩენს, ჟოზეს გუნდის შემოთავაზება 16 მილიონია, მადრიდელები კი 24 მილიონს ითხოვენ.