მადრიდის „რეალი“ ზაფხულის სატრანსფერო ფანჯრის დროს მხოლოდ 2 ფეხბურთელის ყიდვას აპირებს, მაგრამ გუნდს 8 მოთამაშე დატოვებს.

ჯერ-ჯერობით უცნობია, ვის შეძენაზეა საუბარი, თუმცა ფაქტია, რომ ზიდანს გარკვეული მოთხოვნები აქვს.

გასაშვებ ფეხბურთელთა სია ნამდვილად ფართოა. უკვე ცნობილია, რომ ხამეს როდრიგესი კოლექტივს დატოვებს. „რეალი“ ასევე ყველაფერს გააკეთებს გარეთ ბეილის გასაშვებად.

მადრიდული მომავალი ბუნდოვანი აქვს დანი სებალიოსსაც, ის „არსენალიდან“ მალე დაბრუნდება, თუმცა პერესი სხვა კლუბში გაუშვებს.

100%-ით გადაწყვეტილია მარიანო და ბრაჰიმ დიასების გუნდიდან გაშვება. ორივე შემთვევაში საქმე გაყიდვასთან გვექნება და არა იჯარასთან. ალფონს არეოლა საკუთარ კლუბს უბრუნდება.

ლუკა იოვიჩის, როდრიგო გოეშის, ხესუს ვალიეხოს და ტაკეფუსას მომავალი ჯერ-ჯერობით უცნობია. ამ ფეხბურეთელთა სიაში რეგილონი და ოდეგორიც შეგვიძლია მივამატოთ, თუმცა საბოლოო გადაწყვეტილება ჯერ არ არის მიღებული.

პერესს გაშვებული ფეხბურთელების სანაცვლოდ მინიმუმ 200 მილიონი ევროს მიღება სურს.