საქმე გვაქვს მოქმედ ლეგენდასთან, რომელიც გაჩერებას არ აპირებს. ღირსეულმა კაპიტანმა კიდევ ერთი მნიშვნელოვანი შედეგი დააფიქსირა...

ესპანელმა ფეხბურთელმა „ლეგანესთან“ დაპირისპირებაში 650-ედ მოირგო მადრიდის „რეალის“ მაისური და მატჩის შემდეგ პრეზიდენტი პერესისგან სიმბოლური საჩუქარიც მიიღო.

15 წელია რამოსი „ბლანკოსის“ სადარაჯოზე დგას, მისი დებიუტი 2005 წლის 8 სექტემბერს შედგა. ალბათ ვერავინ წარმოიდგენდა, რომ სერხიო 650 მატჩს ჩაატარებდა სამეფო კლუბის მაისურით.

650-იდან 454 დაპირისპირება ლა ლიგაზე მოდის, 124 ჩემპიონთა ლიგაზე, 48 სამეფო თასზე, ხოლო დანარჩენი სხვადასხვა ტურნიზე, სადაც იგულისხმევა ესპანეთისა და ევროპის სუპერთასები, მსოფლიო საკლუბო ჩემპიონატი და ა.შ.

მიმდინარე სეზონში რამოსმა 44 დაპირისპირებაში მიიღო მონაწილეობა და 11 გოლს მოუყარა თავი. საშუალო სტატისტიკის მიხედვით, სერხიო ყოველ 4 დაპირისპირებაში ერთხელ ახდენდა მეტოქის კარის ბადის შერხევას.