მადრიდის „რეალი“ ლა ლიგის ჩემპიონია. კლუბის ხელმძღვანელობას ახლა უკვე აქვს იმის დრო, რომ ქმედითი ნაბიჯები გადადგას, როგორც ტრანსფერებთან, ასევე ადგილობრივი ფეხბურთელების კონტრაქტებთან დაკავშირებით...

ესპანური გამოცემების ცნობით, ფლორენტინო პერესსა და სერხიო რამოსს შორის შეთანხმება მიღწეულია და კაპიტანის მომავალიც გარკვეულია.

ესპანელმა ფეხბურთელმა სამეფო კლუბში კარიერის დასრულების სურვილი გამოთქვა.

რამოსი ახალ ხელშეკრულებას მოაწერს ხელს, რომელსაც ვადა 2022 წლის ზაფხულში ამოეწურება, თუმცა ისიც უნდა აღინიშნოს, რომ დიდი ალბათობით ეს კონტრაქტი 2022-ში კიდევ ერთი წლით, 2023 წლის ზაფხულამდე გაგრძელდება.