სამეფო კლუბის დამრიგებელმა სამწვრთნელო კარიერაში მეორედ მოახერხა ესპანეთის ჩემპიონობის დაბევება.

ნიშანდობლივია, რომ საერთო ჯამში, ზინედინ ზიდანი უკვე 11 ტიტულს მოითვლის „რეალის“ მწვრთნელის რანგში და ამისათვის მას მხოლოდ 209 შეხვედრის ჩატარება დასჭირდა, რაც საშუალოდ ყოველი 19 მატჩის შემდეგ ერთ თასს უდრის.

კლუბის ისტორიაში ყველაზე წარმატებულმა მესაჭე მიგელ მუნიოსმა, 14 ტროფეის მოსახვეჭად, არც მეტი არც ნაკლები, 605-ჯერ უხელმძღვანელა შეგირდებს მწვანე მინდორზე.

აღნიშნულიდანაც ჩანს, რომ ზიდანის სახით, უნიკალურ და წარმოუდგენელ ლეგენდასთან გვაქვს საქმე.