„იუვენტუსმა“ იგუაინის შემცვლელად „რეალის“ ფორვარდი დაასახელა
იტალიურ გამოცემებზე დაყრდნობით, ტურინის „იუვენტუსი“ მადრიდის „რეალის“ თავდამსხმელისთვის იბრძოლებს.
მიუხედავად იმისა, რომ ლუკა იოვიჩისთვის მიმდინარე სეზონი პირწმინდად ჩავარდა, მის მიმართ არაერთი კლუბი იჩენს სურვილს.
იოვიჩს ჰყავს მსურველები ბუნდესლიგიდან, პრემიერლიგიდან და სერია „ა“-დან. იტალიაში იოვიჩზე პრეტენზიას „მილანი“ აცხადებდა, მაგრამ ახლა საქმეში „იუვენტუსიც“ ჩაერთო, რომელიც პიპიტა იგუაინს უშვებს.
„ბებერ ქალბატონს“ მიაჩნია, რომ სერბი ფორვარდი იტალიაში თავს წარმოაჩენს, აქედან გამომდინარე, რამდენიმე კვირაში ესპანურ-იტალიური მოლაპარაკებები იგეგმება.
- 14 ივლისი 2020
- 4 614
- 2
ინფორმაცია
ჯგუფ სტუმარი-ის წევრებს არ აქვთ კომენტარის დატოვების უფლება.
