მადრიდის „რეალის“ ერთ-ერთი ინტერესი, კაი ჰავერტსი „ჩელსის“ მიუახლოვდა.

„ლევერკუზენთან“ მოლაპარაკებებს „არისტოკრატების“ მხარე წარმატებით ასრულებს.

ბრიტანულ გამოცემებზე დაყრდნობით, ჰავერტსის დამატება „ჩელსისა“ და „რეალის“ გარდა კიდევ რამდენიმე კლუბს სურს, თუმცა ახალგაზრდა მოთამაშეს ფრენკ ლამპარდი შესანიშნავ პირობებსა და ძირითად შემადგენლობაში გარანტირებულ ადგილს ჰპირდება, რაც მოთამაშისთვის ძალიან მისაღებია.

ასევე აღსანიშნავია, რომ ჰავერტსის ლონდონში ტრანსფერზე ტიმო ვერნერიც მუშაობს, რომელიც ლევერკუზენელის მეგობარია.

როგორც სჩანს, სამეფო კლუბის კიდევ ერთი სატრანსფერო მიზანი გეზს არა მადრიდის, არამედ ნისლიანი ალბიონისკენ აიღებს.