ესპანური გამოცემები იუწყებიან, რომ დიეგო სიმეონეს ბოლოდროინდელი განცხადებით არაერთი გამოცემა და ანალიტიკოსი დაინტერესდა...

ფაქტია, რომ ბოლო თვეების განმავლობაში ჩოლომ არაერთი კომენტარი გააკეთა, სადაც შინაარსი „რეალის“ მხარდამჭერი იყო.

ბოლო გამოსვლა, რომელიც ფეხბურთის არგენტინელ სპეციალისტს ჰქონდა, „რეალსა“ და მსაჯებს უკავშირდებოდა. დიეგომ „ბლანკოსი“ დაიცვა და განაცხადა, რომ „ბლანკოსი“ ბევრს უტევს, სწორედ ამიტომ იდება მათ სასარგებლოდ თერთმეტმეტრიანები და აქ არაფერშუაშია მსაჯების შეცდომები.

არაერთი გამოცემის აზრით, სიმეონემ „რეალთან“ ურთიერთობების დათბობა გადაწყვიტა, რათა საბოლოოდ დაიყოლიოს ფლორენტინო პერესი და ხამეს როდრიგესმა „ატლეტიკოს“ მაისური მოირგოს.

შარშან „როხიბლანკო“ კოლუმბიელ ფეხბურთელთან ახლოს იყო, მაგრამ მას შემდეგ, რაც „ბლანკოსმა“ პრე-სეზონის მატჩი თანაქალაქელ „ატლეტიკოსთან“ 7-3 წააგო და სიმეონეც ხმაურიანი განცხადებებით გამოვიდა, როდრიგესის ტრანსფერი დაიბლოკა.