მიუხედავად მრავალი მცდელობისა, მადრიდის „რეალმა“ პოლ პოგბას ტრანსფერი ვერ სრულყო. ფრანგი ფეხბურთელი 3 წელიწადზე მეტია სამეფო კლუბს უკავშირდება, თუმცა ფაქტი ჯიუტია - მსოფლიო ჩემპიონი კვლავ „იუნაიტედში“ ირიცხება...

რამდენიმე ესპანური გამოცემის ცნობით, ზიდანი პოლის დამატების სურვილს კვლავ ინარჩუნებს და სჯერა, რომ ტრანსფერი შესაძლებელია.

ზიდანი პოლს ლუკა მოდრიჩის იდეალურ შემცლვლეად მოიაზრებს და თვლის, რომ ფრანგი ნახევარმცველი ტონი კროოსთან და კაზემიროსთან ერთად ბრწყინვალე ტრიოს შექმნის.

ოლე გუნარ სულშერმა პოგბასთან დაკავშირებით განცხადებების გაკეთებაზე უკვე დიდი ხანია უარი თქვა. „მანჩესტერში“ დარწმუნებულები არიან, რომ მსოფლიოს ერთ-ერთ საუკეთესო ნახევარმცველს შეინარჩუნებენ.