პანდემიის გამო გამოწვეული პაუზის შემდეგ, სამეფო კლუბი შედეგიან ფეხბურთს აჩვენებს.ზიდანის დასვენებულმა შეგირდებმა 7 შეხვედრა ჩაატარეს და მათ ანგარიშზე 100 პროცენტიანი შედეგია.

შესაბამისად, „რეალი“ დამსახურებულად ლიდერობს სატურნირო ცხრილს და ჩემპიონატის დასრულებამდე 4 ტურით ადრე, ასევე 4 ქულთ უსწრებს მდევარ „ბარსელონას.“ არადა, კატალონილები საყოველთაო კარანტინის გამოცხადებამდე პირველ საფეხურს იკავებედნენ, თუმცა მათი რამდენიმე წაბორძიკება, დედაქალაქელებმა გამოიყენეს.

გამომდინარე იქედან, რომ „რეალი“ საკმოდ ახლოს არის მორიგ ტიტულთან, „ბლაუგრანამ,“ როგორც წესი, მსაჯებზე დაიწყო აპელირება.კლუბის წარმომადგენლების განცხადებით, მათ შორის პრეზიდენტის, ვიდეორეფერის სისტემა ძალზედ წყალობს ზიდანის გუნდს, რაც უპირატესობაა კონკურენტებთან შედარებით. გავრცელებული ინფორმაციით, შესაბამისი კომიტეტი ბართომეუს ინტერვიუებს უკვე სწავლობს და მსგავსი სიტყვების გამო, მას არცთუ ისე მცირე თანხის გადახდა მოუწევს ჯარიმის სახით.

ცხადია, „კულეების“ რიგებში მოასპარეზე ფეხბურთელებსა და მათ გულშემატკივრებს ნებისმიერი ბრალდების წაყენება შეუძლიათ „ბლანკოსისთვის“ და ამას უკვე მიჩვეულნი ვართ, მაგრამ მაინც საინტერესოა თვალი გადავავლოთ სტატისტიკას, რომელიც სრულად აქარწყლებს მტრების პოზიციას.

კერძოდ, მიმდინარე სეზონის განმავლობაში, VAR-ის საქმეში ჩართვის დამსახურებით, მადრიდელებმა 4 ქულა გამოიმუშავეს და 4 ქულაც დაკარგეს.რაც შეეხება „ბარსელონას,“ მათი ციფრებიც იდენტურია - ორი ორის წინააღმდეგ. აღნიშნული კი იმას ნიშნავს, რომ არა ვიდეორეფერის ინსტიტუტი, პრიმერა დივიზიონის მოქმედ გათამაშებაში ისეთივე სიტუაცია იქნებოდა, როგორიც დღეს არის.

მაშასადამე, ყველაფერი ნათელია და ცოტა არ იყოს უხერხულია, „მეტი ვიდრე კლუბისგან“ ამ თემით სპეკულირება.