ესპანური გამოცემების ინფორმაციით, მადრიდის „რეალმა“ ალვარო ოდრიოზოლასთან დაკავშირებით გადაწყვეტილება შეცვალა...

ესპანელი ფეხბურთელის მადრიდული კარიერა ბურუსით იყო მოცული. ფლორენტინო პერესი არაერთ წინადადებას განიხილავდა, რომელიც განაპირა მცველით დაინტერესებული გუნდებიდან მოდიოდა, მაგრამ ახლა სხვა რეალობაა.

იმ ფონზე, რომ გუნდს აშრაფ ჰაკიმი აღარ შემოუერთდება და დიდი ალბათობით კარიერას „ინტერში“ განაგრძობს. ზინედინ ზიდანს კარვახალის შემცვლელი დასჭირდა.

ამ ეტაპზე ოდრიოზოლას გაყიდვა აღარ იგეგმება, ვინაიდან მიმდინარე ფორმაციის „ბლანკოსს“ მხოლოდ ერთი მარჯვენა მცველი ჰყავს დანის სახით.

არაერთი ესპანელი ანალიტიკოსი და ექსპერტი აცხადებს, რომ აღნიშნული გარემოება „მერენგების“ მხრიდან უკანგადადგმულ ნაბიჯს უნდა გაუტოლდეს, ვინაიდან ჰაკიმი ოდრიოზოლაზე 2 თავით მაღლა დგას.