„ესპანიოლის“ კარში გატანილი ერთადერთი გოლის ეპიზოდში, ბრწყინვალედ იასპარეზა კარიმ ბენზემამ, თუმცა სტადიონის ტაბლოზე ბრაზილიერის გვარი ჩაიწერა.

კაზემირომ მიმდინარე სეზონში მეოთხე გოლი გაიტანა და არც მეტი არც ნაკლები, მე-9 ქულა მოუპოვა სამეფო კლუბს.პირველად, სამხრეთ ამერიკელმა ნახევარმცველმა „ლევანტეს“ კარი აიღო (3-2).ედენ აზარის სადებიუტო შეხვედრაში, კაზემ გამარჯვების ბურთი გაახვია ვალენსიელების კარში.

ამის შემდეგ, ზიდანის ფორმაციის „რეალის“ საყრდენმა „სევილიასთან“ შეასრულა დუბლი, ხოლო უკანასკნელად, „ესპანიოლთან“ გაიხსენა გოლის გემო.

საერთო ჯამში კაზემირო „ბლანკოსის“ ნამდვილ ლიდერად და შეუცვლელ ფიგურად ჩამოყალიბდა.მისი დაცვითი შესაძლებლობები კითხვის ნიშნებს არ ბადებს.ის ბევრ სათამაშო კომპონენტში საუკეთესოა ლა ლიგის ნახევარმცველებს შორის.

სასიხარულოა, რომ ბრაზილიელი განვითარებაზე უარს არ ამბობს და ძირითადი ფუნქციების შესრულების პარალელურად, შედეგიანი დარტყმებითაც ეხმარება თანაგუნდელებს.

გულშემატკივრები არცთუ ისე ხშირად აღნიშნავენ მის ღვაწლს, არადა, შეიძლება ითქვას, „რეალის“ წარმატების ფორმულა, სწორედ კაზემიროს დაწერილია.

MARCA