დღეს, 27 ივნისს 9 წელი გავიდა მას შემდეგ, რაც სამეფო კლუბმა რაფაელ ვარანი წარუდგინა გულშემატკივრებს.

9 წლის განმავლობაში ფრანგმა ფეხბურთელმა აბსოლტურად ყველა საკლუბო ტურნირის მოგება შეძლო, რომლის მოგებაც „ბლანკოსთან“ ერთად შეიძლებოდა.

ჩემპიონთა ლიგის 4 თასი, ასევე 4 მსოფლიო საკლუბო ჩემპიონატი, 3 ევროპის სუპერთასი, 2 ლა ლიგა, 1 სამეფო თასი და 3 ესპანეთის სუპერთასი. ეს ყველაფერი რაფაელ ვარანის ანგარიშზეა.

ასევე უნდა აღინიშნოს, რომ რაფამ საფრანგეთის ნაკრებთან ერთად მსოფლიოს 2018 წლის ჩემპიონატის მოგებაც მოახერხა და დეშამის გუნდის უდავო ლიდერი გახლდათ.

ვარანის ანგარიშზე 9 წელიწადში 313 მატჩი ფიქსირდება. ფრანგი მცველი სერხიო რამოსის, მარსელოსა და კარიმ ბენზემას შემდეგ ჩატარებული მატჩებით ყველას აღემატება.

რაფაელის ანგარიშზე „მერენგების“ რიგებში 200-ზე მეტი გამარჯვება და 15 გოლი ფიქსირდება.

ვარანის კარიერის საუკეთესო წლად 2018-ია გამოცხადებული, ვინაიდან მან ერთდროულად შეძლო ჩემპიონთა ლიგისა და მსოფლიო ჩემპიონატის მოგება.