ვინისიუს ჟუნიორმა მიმდინარე სეზონში ყველა ტურნირზე უკვე 32-ე დაპირისპირება გამართა და ამ ციფრით პირადი მაჩვენებელი გააუმჯობესა...

გასულ სეზონში ბრაზილიელი ფეხბურთელის ანგარიშზე 31 დაპირისპირება ირიცხებოდა, თუმცა ისიც უნდა აღინიშნოს, რომ 31 მატჩში შემტევმა მოედანზე 1742 წუთი დაჰყო, ახლა კი 32 დაპირისპირებაში 1574 წუთს მოითვლის.

მიმდინარე სეზონში ვინიმ უკვე მოახერხა 5 გოლის გატანა და 3 საგოლე გადაცემის გაკეთება, რაც თავისთავად ძალიან კარგი მაჩვენებელია.

რაც შეეხება დეტალურ სტატისტიკას. 19 წლის ფეხბურთელმა 32 მატჩიდან 23 ლა ლიგაში ითამაშა, 5 ჩემპიონთა ლიგაზე, 3 სამეფო თასზე და 1 ესპანეთის სუპერთასზე. ლა ლიგაში ვინის ანგარიშზე 1111 წუთია, ჩემპიონთა ლიგაზე 193 წუთი, სამეფო თასზე 253 წუთი და ესპანეთის სუპერთასზე 17 წუთი.