მადრიდის „რეალმა“ „მალიორკასთან“ დაპირისპირებაში ისტორიული შედეგი დააფიქსირა...

სამეფო კლუბი გახდა პირველი, რომელმაც ლა ლიგის ეგიდით გამართულ საშინაო დაპირისპირებებში 1100-ედ იმარჯვა. მსგავსი შედეგი ისტორიაში არცერთ კლუბს არ აქვს.

საერთო ჯამში „მერენგებს“ საკუთარ კედლებში 1435 პაექრობა აქვთ გამართული, საიდანაც 1100 მოგება 205 ფრე და 130 მარცხი ფიქსირდება.

გუნდი, რომელიც „ბლანკოსის“ შედეგთან ყველაზე ახლოსაა კატალონიის „ბარსელონა“ გახლავთ. კიკე სეტიენის გუნდს საკუთარ კედლებში 1095 გამარჯვება აქვს დაფიქსირებული.

რაც შეეხება გოლების რაოდენობას. მადრიდელებს 1435 დაპირისპირებაში 3833 გოლი აქვთ გატანილი.