ზინედინ ზიდანმა „მალიორკასთან“ მატჩის წინ პრესკონფერენცია გამართა.

„დარწმუნებული ვარ, „მალიორკა“ ძალიან სახიფათო კლუბია. ამ გუნდს არაერთხელ დაუმტკიცებია, საკუთარი ძალა. ვფიქრობ, რომ რთული მეტოქე გვყავდა, მატჩში კი 90 წუთის მანძილზე მაქსიმუმი უნდა დავდო. სტუმრები მადრიდს 3 ქულის მოსაპოვებლად ეწვევიან, მათ დასაკარგი აბსოლუტურად არაფერი აქვთ.“

„შეტევა „რეალზე“? ეს არის მსოფლიოს საუკეთესო კლუბი და ბუნებრივია, რომ მუდმივად საუბრობენ ჩვენს შესახებ. ერთადერთი რაზეც ვფიქრობ „მალიორკასთან“ მატჩია.“

„ვინისიუსის და აზარის ერთად გამოყენება სავსებით შესაძლებელია, მაგრამ უნდა აღინიშნოს, რომ რეალურად ისინი ერთი პოზიციის ფეხბურთელები არიან და ყველააზე კომფორტულად თავს მარცხენა ფლანგზე გრძნობენ.“

„არ ვიცი ითამაშებენ თუ არა რამოსი და აზარი. საბოლოო გადაწყვეტილებას მატჩის დაწყებამდე რამდენიმე საათით ადრე მივიღებ.“

„ერთი კარგი ინფორმაცია მაქვს. ისკო უკვე სრულფასოვნად ირჯება და ჩვენი დახმარება შეუძლია. ესპანელთან დაკავშირებით 2 კვირიან უქმობას ველოდით, მაგრამ ყველაფერი შეიცვალა და ალარკონი მზად არის.“

„ხვალ სხვაგვარი თამაში გვმართებს, რადგან კაზემირო არ გვეყოლება. როგორც ხედავთ ერთი ძალიან კარგი ინფორმაცია მაქვს (ისკოს დაბრუნება) და ერთიც ცუდი. (კაზემიროს არყოფნა.“

„ნაჩოს დაბრუნება ძალიან მნიშვნელოვანია, მის შესახებ ინფორმაციებს ყოველდღიურ რეჟიმში ვიღებ. ფერნანდესი უნივერსალია და შეუძლია როგორც ფლანგებზე, ასევე ცენტრში თამაში, რაც ჩვენს ამოცანას გაცილებით ამარტივებს.“

„ამ ეტაპზე კარვახალი დატვირთვას უძლებს და მარჯვენა ფლანგზე უკონკურენტოა. ფორს-მაჟორულ სიტუაციაში მის ადგილზე ედერ მილიტაოს და ფერლან მენდის გამოყენებაცაა შესაძლებელი.“

„ბეილთან დაკავშირებით მხოლოდ იმის თქმა შემიძლია, რომ ის „მალიორკასთან“ დაპირისპირების განაცხადში აუცილებლად მოხვდება.“

„ვინისიუს ჟუნიორი არის „რეალის“ აწმყო და მომავალი. არ დაგავიწყდეთ, რომ ბრაზილიელი მხოლოდ 19 წლის არის და მას გამოცდილება სჭირდება. წინახაზელი მუშაობაზე უარს არასდროს ამბობს და მუდმივად განვითარებაზე ფიქრობს. ასეთ ფეხბურთელებს პატივს ვცემ და ვთვლი, რომ ძალიან ბევრს მიაღწევენ.“

„ვინის თამაში „სოსიედადის“ წინააღმდეგ ფენომენალური იყო. ბრაზილიელმა ახალგაზრდამ „ბლანკოსის“ გამარჯვებაში ძალიან დიდი წვლილი შეიტანა.“

„ტაკეფუსასთან დაკავშირებით გადაწყვეტილება ჯერ მიღებული არ არის. ამ ეტაპზე ის შემიძლია ვთქვათ, რომ „მალიორკაში“ იჯარით გაშვებამ იაპონელზე დადებითად იმოქმედა, ის საკმაოდ დიდ სათამაშო პრაქტიკას იღებს და ვითარდება, ჩვენი მიზანიც სწორედ ეს იყო.“

„არავითარი პოლემიკა არბიტრებზე, ეს ჩემი საქმე არ არის. საზრუნავი მხოლოდ იმ ფინალების მოგებაა, რომელიც წინ გვაქვს. ასევე არ ვაპირებ კომენტარის გაკეთებას კალენდარსა და მატჩებს შორის საათობრივ შუალედებზე. მადრიდის „რეალი“ მხოლოდ მოედანზე გასვლსასა და გამარჯვებებზეა ორიენტირებული.“