კატალონიის „ბარსელონამ“ ანდალუსიაში ძალიან მნიშვნელოვანი ქულები დაკარგა, რაც მადრიდის „რეალს“ შანსს აძლევს.

იმ შემთხვევაში, თუ ზიდანის გუნდი „ანოეტაზე“ „სოსიედადის“ სახით ძალიან რთულ მეტოქეს დაამარცხებს და 3 ქულას ჩაიწერს აქტივში, კატალონიურ კლუბს ქულების რაოდენობით გაუთანაბრდება, რაც იმას ნიშნავს, რომ პირველ ადგილს დაიკავებს, ვინაიდან მიმდინარე სეზონის „ელ კლასიკოებში“ დადებითი ბალანსი აქვს.

ახლა ყველაფერი არა „ბარსელონაზე“, არამედ მადრიდის „რეალზე“ იქნება დამოკიდებული.

„სოსიედადთან“ გამარჯვებისთვის ფრანგი ლეგენდის გუნდმა ყველაფერი უნდა გაიღოს და პირველ ადგილზე გადაინაცვლოს.