მადრიდის „რეალის“ ოფიციალურმა ვებ-გვერდმა დაადასტურა ინფორმაცია იმის შესახებ, რომ „ბერნაბეუს ტური“ კვლავ ხელმისაწვდომი ხდება.

არსებული პანდემიის გამო, „რეალის“ ქომაგებს თვეების მანძილზე არ შეეძლოთ სანტიაგო ბერნაბეუს მუზეუმის დათვალიერება, თუმცა პრობლემა უკვე აღმოფხვრილია.

უნდა აღინიშნოს, რომ ამ შემთხვევაში ვიზიტორებს მხოლოდ 2 სართულის დათვალიერების საშუალება ექნებათ, დანარჩენი სივრცე კი სტადიონზე არსებული რეკონსტრუქციის გამო დაკეტილია.

მუზეუმში სტუმრობისას მაქსიმალურად დაცული იქნება ყველა ნორმა, რომელიც ჯანდაცვის სისტემების რეკომენდაციით არის დადგენილი.