ესპანური გამოცემების ინფორმაციით, ზინედინ ზიდანმა არჩევანი გააკეთა.

ალვარო ოდრიოზოლა „რეალში“ აღარ ითამაშებს, ის „ბაიერნიდან“ მადრიდში ჩაფრინდება და „ბლანკოსის“ ხელმძღვანელობასთან ერთად მომავალ კლუბს გადაწყვეტს.

ოდრის შემცვლელი „მერენგების“ რიგებში აშრაფ ჰაკიმი იქნება. ზიზუ მაროკოელს ენდობა და თვლის, რომ მომდევნო სეზონში ჰაკიმი და კარვახალი ერთმანეთს ძალიან დიდ კონკურენციას გაუწევენ.

თავის მხრივ, ოდრიოზოლა ხვდება, რომ კარვახალთან და ჰაკიმისთან კონკურენციას ამ ეტაპზე აზრი არ აქვს, სხვა კლუბში წასვლითა და სათამაშო პრაქტიკის მიღებით კი, შესაძლოა ევროპის ჩემპიონატისკენაც გაიკვალოს გზა.