სერხიო რამოსმა „რეალის“ ოფიციალურ ვებ-გვერდს ჩემპიონთა ლიგის მე-11 თასთან დაკავშირებით ინტერვიუ მისცა. სწორედ 4 დღის წინ „ბლანკოსმა“ ჩემპიონთა თასი მოიგო.

„მატჩის დაწყების წინ ზიდანმა გვითხრა, რომ მაქსიმალური სიმშვიდე შეგვენარჩუნებინა და საკუთარი ოსტატობა გამოგვევლინა. არნახულად მოტივირებულები ვიყავით და გვჯეროდა საკუთარი ძალების. მთავარმა მწვრთნელმა ყველა ფეხბურთელს უთხრა, რომ ამაყობდა იმჟამინდელი კოლექტივით.“

„ძალიან ძლიერი თავდასხმა გვყავდა და ვიცოდით, რომ მრავალფეროვანი შეტევა შეგვეძლო, თუმცა ყველა რგოლში განსაკუთრებული ყურადღება გვმართებდა. მხოლოდ 1-0 იყო, შემდეგ კი „ატლეტიკომ“ ანგარიში გაათანაბრა და ორივე გუნდმა სიფრთხილე გამოიჩინა.“

„ობლაკს კარგად ვიცნობდი, მის კარში გოლი ბევრჯერ მქონდა გატანილი, მაგრამ ვიცოდი, როგორ დამერტყა. დიახ, ჩემი დარტყმა საკმაოდ დიდ რისკებთან იყო დაკავშირებული, მაგრამ მე ეს შევძელი. ზოგიერთი პანენკას ელოდა, თუმცა განსხვავებული გადაწყვეტილება მივიღე.“

„სანამ მატჩი დაიწყებოდა „როხიბლანკოს“ არცერთ ფეხბურთელთან არ მქონია კონტაქტი. ვცდილობდი, მთელი ყურადღება მატჩზე გადამეტანა. მატჩის დასრულების შემდეგ ხუანფრანს და კოკეს ვესაუბრე, ისინი დათრგუნულები იყვნენ.“