როგორც მოგეხსენებათ, გუშინ მადრიდის ”რეალის” ფეხბურთელებმა ბოლო ვარჯიში გამართეს 2009-2010 წლების სეზონში.

სავარჯიშო სესიის შემდეგ, ხელმძღვანელობა და მოთამაშეები ერთმანეთს დაემშვიდობნენ.აღსანიშნავია, რომ ”ბლანკოსის” ბოსებმა იმ 11 მოთამაშეს, რომლებიც მუნდიალზე არ მიემგზავრებიან, 55 დღიანი არდადეგები გამოუწერეს.

მანუელ პელეგრინიმ, თავის შეგირდებს, წარმატებები უსურვა და ივლისამდე დაემშვიდობა.ოფიციალურად, ჩილელი ჯერ კიდევ ”რეალის” მწვრთნელია.ალბათ, ეს სტატუსი მანუს ჩემპიონთა ლიგის ფინალის დასრულებამდე ექნება.სწორედ 22 მაისის შემდეგ გაირკვევა, მოაშურებს თუ არა ჟოზიტო ესპანეთს.

სტატიის ბოლოს მინდა მოგახსენოთ, რომ ”თეთრების” მილიონობით ქომაგი, პელეგრინის წასვლის სასტიკი წინააღმდეგია.ისინი გუნდის წარუმატებლობაში, მანუელის წვლილს ვერ ხედავენ.