სერხიო რამოსს 4 კლუბი ეპატიჟება
არაერთი ესპანური და ბრიტანული გამოცემა იუწყება, რომ სერხიო რამოსი „რეალის“ დატოვებასთან ახლოსაა...
სამეფო კლუბსა და კაპიტანის აგენტს შორის მოლაპარაკებების მესამე რაუნდიც ჩავარდა, ვინაიდან დათმობაზე არცერთი მხარე არ წავიდა.
რამოსი კონტრაქტის 2023 წლამდე გახანგრძლივებას ითხოვს, ხოლო „რეალი“ მხოლოდ 1+1 ფორმატზეა თანახმა.
გავრცელებული ინფორმაციით, სერხიოს „იუვენტუსიდან“, „მანჩესტერ იუნაიტედიდან“ „ლივერპულიდან“ და ჩინეთიდან აქვს შემოთავაზებები, მაგრამ ყველაზე მეტად იურგენ კლოპის გუნდი აქტიურობს და არაერთი ბრიტანული გამოცემა იუწყება, რომ ესპანელი მცველი შესაძლოა ვირჯილ ვან დაიკს შეუწყვილდეს.
დაუზუსტებელი ინფორმაციით, მერსისაიდელები რამოსს 4 წლიან კონტრაქტს შესთავაზებენ, რაც მისი ასაკის ფეხბურთელისთვის ნამდვილად მიმზიდველი წინადადება უნდა იყოს.
- 28 მაი 2020
- 2 722
- 8
ინფორმაცია
ჯგუფ სტუმარი-ის წევრებს არ აქვთ კომენტარის დატოვების უფლება.
