ბრიტანული გამოცემების ინფორმაცით, მადრიდის „რეალის“ ერთ-ერთმა სამიზნემ, სადიო მანემ იურგენ კლოპისა და „ლივერპულის“ ქომაგების უკმაყოფილება გამოიწვია.

გავრცელებული ინფორმაციით, კლუბმა სენეგალელ შემტევს სთხოვა, რომ „რეალთან“ დაკავშირებულ გავრცელებულ ჭორებს წერტილი დაუსვას და განცხადება გააკეთოს, რომ „მერსისაიდელთა“ რიგებში რჩება.

სადიო ამ განცხადებას არ აკეთებს, რაც „ენფილდელების“ ნერვიულობას იწვევს.

ყოველივე აღნიშნულის პარარელურად, ზინედინ ზიდანი იმედს არ კარგავს, რომ 2020 წლის ზაფხულის სატრანსფერო ფანჯრის დროს სენეგალელი შემტევის დამატებას შეძლებს.