დღეს 21 მაისს 3 წელი გავიდა მას შემდეგ, რაც ზინედინ ზიდანის ბრწყინვალე „რეალმა“ ლა ლიგის თასი 33-ედ მოიგო.

სამეფო კლუბმა „მალაგას“ 0-2 ძალიან მარტივად სძლია და ლა ლიგის ოფიციალური ჩემპიონი გახდა. გოლების გატანა კრიშტიანო რონალდუმ და კარიმ ბენზემამ შეძლეს.

აღსანიშნავია, რომ იმ სეზონში „რეალმა“ ყველა ჩატარებულ დაპირისპირებაში შეძლო გოლის გატანა და უგოლოდ არცერთი მატჩი არ გაუმართავს, საერთო ჯამში მადრიდელებმა ანგარიშზე 106 გოლი ჩაიწერეს. ჩემპიონატი კი 93 ქულით დაასრულეს და 3 ქულით გაასწრეს მეორე ადგილზე გასულ კატალონიის „ბარსელონას“.