მარსელომ „რეალის“ ოფიციალურ ვებ-გვერდთან საინტერესო ინტერვიუ ჩაწერა...

„როდესაც ოცნებობ, ყველაფერი შეიძლება გამოგივიდეს, თუმცა ამისთვის ბევრი მუშაობაა საჭირო. შესაძლოა ვარსკვლავი გახდე, ყველამ გაგიცნოს, ბევრი თანხა გამოიმუშავო, მაგრამ მუშაობის ჟინი და თავმდაბლობა არასდროს უნდა დაკარგო. სწორედ ამაში იმალება წარმატების გასაღები.“

„„რეალმა“ ბევრი რამ მასწავლა, ყველას მიმართ პიტივისცემა, მეგობრობა და რაც მთავარია ბრძოლისუნარიანობა. როდესაც ამ კლუბის წევრი ხარ, არ გაქვს უფლება დანებდეს და იფიქრო იმაზე, რომ წარმატებას ვერ მიაღწევ.“

„„რეალი“ არ არის მხოლოდ საფეხბურთო გუნდი. მე აქ ბევრი რამ ვისწავლე და ახლაც ბევრს ვსწავლობ. როდესაც სამეფო კლუბის მაისური გაცვია დამატებითი ვალდებულებები გაქვს, რომელიც პირნათლად უნდა შეასრულო>“

„სანამ „ბლანკოსში“ მოვიდოდი, ვიცოდი, რომ ეს ძალიან დიდი მასშტაბის კლუბი იყო. როდესაც მადრიდელი გავხდი, ამაში კიდევ ერთხელ დავრწმუნდი. ეს არის დიდი ოცნების ახდენა, რომელიც ცხოვრებაში მქონდა. არასდროს დავნებებულვარ და ყოველთვის ვიბრძოდი ჩემი შანსისთვის. მადლობა ღმერთს, რომ ჯანმრთელი ვარ და ამდენი წლის მანძილზე ისტორიული კლუბის ღირსებას ვიცავ.“

„კლუბთან ერთად ჩემპიონთა ლიგის 4 თასი მაქვს მოპოვებული, მათ შორის 3 ზედიზედ მოვიპოვე. ეს იყო ნამდვილი საოცრება, რომელიც „რეალმა“ ჩაიდინა. დაუვიწყარი მომენტები, რომელიც ჩემს მეხსიერებაში სამუდამოდ ჩაიბეჭდა.“

„მიუხედავად იმისა, რომ ბევრი ტიტული მოვიგე, ყველა სეზონს ახალი შემართებითა და მოტივაციით ვიწყებ.“

„არასდროს დამავიწყდება ის ჯადოსნური საღამოები, რომელიც „ბლანკოსში“ მაქვს გატარებული, მაგრამ ის საოცარი წუთები, რომელიც ჩემი პრეზენტაციის დროს გავიარე მართლაც დაუჯერებლად ლამაზი იყო.“

„გაჩერებას არ ვაპირებ და სწავლას განვაგრძობ. როდესაც უკან ვიხედები სიამაყით ვივსები, ვინაიდან „რეალში“ საოცარი კარიერა მაქვს გატარებული, მაგრამ წინ კიდევ ბევრი წარმატებაა.“

„აქ ჩამოსვლა დიდი სიამაყე იყო, მაგრამ როდესაც გუნდის მეორე კაპიტანი გავხდი, დამატებითი ვალდებულებები ვიგრძენი. სერხიო რამოსი გუნდის ლიდერია, მისი არყოფნის შემთხვევაში კი ამ ფუნქციებს მე ვასრულებ.“