მადრიდის „რეალსა“ და EA Sport-ს შორის არსებული ხელშეკრულება დასასრულს უახლოვდება და დიდია შანსი იმისა, რომ FIFA 21-ში მადრიდის „რეალის“ ლიცენზია აღარ იყოს და კლუბს სხვა სახელი ერქვას, ისევე როგორც ტურინის „იუვენტუსს“ FIFA 2020-ში Piemonte ჰქვია...

KONAMI-ის სურს, რომ „რეალის“ ოფიციალური ლიცენზია Pro Evolution Soccer 2021-ს ექსკლუზიურად ჰქონდეს და ყველაფერს აკეთებს „ბლანკოსთან“ რამდენიმეწლიანი ხელშეკრულების გასაფორმებლად.

ამ შემთხვევაში „რეალის“ ლოგო, მაისურები, სტადიონი და ეკიპერების აბსოლუტურად ყველა ელემენტი Konami-ს საკუთრება გახდება და FIFA 21 ულიცენზიოდ დარჩება.

KONAMI უკვე წლებია დიდ კონკურენციას უწევს EA Sport-ს, რაც იმაში გამოიხატება, რომ წინა წლებში რამდენიმე კლუბის ლიცენზია მოიპოვა და FIFA-ზე მოთხოვნა შედარებით შეამცირა.

KONAMI-ში დარწმუნებულები არიან, რომ „რეალი“ ყველაზე პოპულარული კლუბია და ლიცენზიის მოპოვების შემთხვევაში, PES 2021 ძალიან დიდი პოპულარობით ისარგებლებს.