ესპანური გამოცემების ინფორმაციით, ხამეს როდრიგესის მომავალი 80%-ით გადაწყვეტილია, ის „რეალიდან“ წავა, თუმცა კარიერას დიდი ალბათობით ისევ ესპანეთის ლა ლიგაში განაგრძობს...

დიეგო სიმეონეს შარშანდელი ინტერესი არ განელებია. ჩოლოს სურს, რომ კოლუმბიელი ფეხბურთელი „როხიბლანკოს“ ღირსების დამცველი გახდეს და მოლაპარაკებებიც დაწყებულია.

Defensacentral-ის ინფორმაციით, ხამესი 80%-ით „ატლეტიკოელია“, ფლორენტინო პერესი ამ შემოთავაზებაზე უარს არ იტყვის. თავის მხრივ, ხამესიც თანახმაა, მადრიდში დარჩეს და უბრალოდ კლუბი შეიცვალოს.

ამის პარალელურად უნდა აღინიშნოს, რომ როდრიგესის მიმართ ინტერესი პრემიერლიგის რამდენიმე კლუბსაც აქვს.