დღეს, 12 მაისს მადრიდის „რეალის“ ვიცე-კაპიტანს, მარსელო ვიეირას დაბადების დღე აქვს...

ბრაზილიელი მოთამაშე 32 წლის გახდა. ის უკვე 14 სეზონია მადრიდის „რეალის“ სადარაჯოზე დგას.

ვიეირას დებიუტი „ბლანკოსში“ 2007 წლის 7 იანვარს, „დეპორტივოს“ წინააღმდეგ შედგა.

დღევანდელ დღეს მარსელო „რეალში“ 505 მატჩს მოითვლის და ახლოს არის ლეგენდარული რობერტო კარლოსის 527 მატჩიან შედეგთან.

უნდა აღინიშნოს, რომ ვიეირა „რეალის“ ისტორიაში ერთ-ერთი ყველაზე ტიტულოვანი ბრაზილიელია, მას „ბლანკოსთან“ ერთად ყველა ტიტული აქვს მოგებული, რისი მოგებაც შეიძლებოდა, მათ შორის ჩემპიონთა ლიგის 4 თასი.