ესპანური და ფრანგული გამოცემების დაყრდნობით, საფრანგეთის ნაკრების მთავარი მწვრთნელი, დიდიე დეშამი ედუარდო კამავინგას „რეალში“ გადასვლას ეწინააღმდეგება.

მსოფლიო ჩემპიონი თვლის, რომ კამავინგას „რენში“ დარჩენა იდეალური ვარიანტი იქნება, ვინაიდან ის მომდევნო სეზონში ჩემპიონთა ლიგაზეც ითამაშებს და კიდევ უფრო დიდი გამოცდილება ექნება დაგროვებული.

დეშამი 2021 წელს ედუარდოს გამოძახებას აპირებს და თვლის, რომ თუ ფეხბურთელი ასეთ პროგრესს განაგრძობს, მისთვის ეროვნულ ნაკრებში ადგილი მოიძებნება, ხოლო „რეალში“ გადასვლის შემთხვევაში, კამავინგას სათამაშო პრაქტიკა არ ექნება და პრობლემები შეექმნება.

უნდა აღინიშნოს, რომ დეშამი არ არის პირველი სპეციალისტი, ვინც ედუარდოს დაფიქსრებისკენ მოუწოდებს და „რეალში“ გადასვლაში რისკებს ხედავს.