ფლორენტინო პერესი ახალ პროექტზე მუშაობს, რომელიც სრულიად შოკისმომგვრელი იქნება...

არსებული ფინანსური კრიზისის პირობებში ძალიან რთულია დიდი თანხის გაღება, თუმცა ისიც უნდა აღინიშნოს, რომ „მერენგებს“ მსოფლიოში ერთ-ერთი ყველაზე მკაცრი ბიუჯეტი აქვთ და საკმაო ზარალის მიუხედავად მომდევნო წლებში აქტიურობას გეგმავენ.

ასევე უნდა აღინიშნოს, რომ არცერთი წუთით არ გაჩერება ბერნაბეუს რეკონსტრუქციის სამუშაოები. მეტიც, არსებული ვითარებიდან გამომდინარე (მატჩების არჩატარება), სტადიონზე სამუშაოები 50%-ით არის აჩქარებული.



ბერნაბეუს რეკონსტრუქცია კოლოსალურ თანხებთან არის დაკავშირებული, თუმცა ამ ყველაფრისთვის შესაბამისი ფინანსური რესურსი მოძიებულია.

პერესი ხვდება, რომ ჩემპიონთა ლიგის ზედიზედ სამჯერ მომგები გუნდის წევრებს ასაკი ემატებათ და სულ მალე სრულიად სახეცვლილი „რეალის“ ხილვა იქნება საჭირო.

რონალდუ უკვე წავიდა. მის გზას ბეილცი გაუყვება, ბენზემა ასაკშია, საგრძნობლად უკლო მარსელომ. ასევე ასაკშია მოდრიჩი და აუცილებელია კროოსის გათვალისწინებაც, რომელიც ახლა უმაღლეს დონეზე გამოდის, მაგრამ წლები მასაც ემატება.

კლუბს ახალგაზრდების შეძენის პროექტი დიდი ხანია დაწყებული აქვს და კოლექტივში არაერთი ნიჭიერი ირიცხება, თუმცა „ბლანკოსს“ აქვს გეგმა, რომელიც მომდევნო 2 წლის განმავლობაში უნდა განახორციელოს და გუნდი მნიშვნელოვნად გააძლიეროს.

კილიან მბაპე, ერლინგ ჰოლანდი, ედუარდო კამავინგა, პოლ პოგბა და დონი ვან დე ბეეკი - ეს არის ხუთეული, რომელიც პერესმა მიზანში ამოიღო და ყველაფერს გააკეთებს იმისათვის, რომ შეთანხმებას მიაღწიოს.

ასევე ვრცელდება ინფორმაცია, რომლის მიხედვითაც, თანხის კუთხით სრული მობილიზება მოხდება და „რეალი“ ამას შეძლებს. ახალ ბერნაბეუსთან ერთად პერესი ქომაგებისთვის „ახალი გალაქტიკოს“ შეთავაზებას გეგმავს.