იმ შემთხვევაში, თუ კორონავირუსული ინფექციის პრევენციის მიზნით მომდევნო სეზონის სტარტი მაყურებლების გარეშე ჩაივლის, „რეალი“ სანტიაგო ბერნაბეუზე კვლავ არ ითამაშებს.

„ბლანკოსი“ საშინაო მატჩებს „დი სტეფანოზე“ გამართავს და ამ ნაბიჯით შეინარჩუნებს სამუშაოების ტემპს, რომელიც კლუბს ახლა აქვს.

ბერნაბეუს სახელობის სტადიონის რეკონსტრუქცია 50%-ით სწრაფად მინდინარეობს, ვინაიდან არენაზე მატჩები არ იმართება, ასე იქნება მომდევნო თვეების განმავლობაშიც, ვინაიდან ჩემპიონატის განახლების შემთხვევაში გუნდი „დი სტეფანოზე“ იასპარეზებს, რაც გულშემატკივართა დასწრების აკრძალვიდან გამომდინარეობს.

თუ შემადგომაზე ვირუსის პრევენციისთვის საჭირო ღონისძიებები იქნება გასატარებელი და გუნდებს საშინაო არენაზე ქომაგების გარეშე მოუწევთ ასპარეზობა, „რეალი“ კვლავ „დი სტეფანოზე“ ითამაშებს და ბერნაბეუზე აღებული ტემპი არ დავარდება.

არსებული გეგმით ბერნაბეუს რეკონსტრუქცია 2022 წელს უნდა დასრულდეს, თუმცა თუ სამუშაოები ასეთი ტემპით წარიმართება, პროექტი დაგეგმილზე დაახლოებით ნახევარი წლით ადრე დასრულდება და „რეალი“ საოცარ სტადიონზე იასპარეზებს.