ხამეს როდრიგესისთვის გამალებული ბრძოლა იწყება. გადაწყვეტილია, რომ კოლუმბიელი ნახევარმცველი „მერენგების“ რიგებს ზაფხულში გამოემშვიდობება...

ხამესის შეძენის უმთავრესი კანდიდატი „ევერტონია“, რომლის მთავარი მწვრთნელი კარლო ანჩელოტი კოლუმბიელში ძალიან ნიჭიერ ფეხბურთელს ხედავს.

როდრიგესზე პრეტენზიას ასევე აცხადებს მანჩესტერ „იუნაიტედი“, „არსენალი“ და „მილანი“.

გარდა აღნიშნული კლუბებისა, ნახევარმცველის წაყვანა „მონაკოსაც“ აქვს განზრახული. მოგეხსენებათ, როდრიგესმა სახელი სწორედ ფრანგულ კლუბში გაითქვა.

ხამესის ფასი დაახლოებით 35 მილიონი ევროა.