არაერთი ესპანური გამოცემა იუწყება, რომ მადრიდის „რეალი“ გარეთ ბეილს 10 მილიონ ევროდ გაუშვებს...

ამ ნაბიჯით ფლორენტინო პერესი 34 მილიონ ევროს დაზოგავს, რაც გარეთის 2 წლის ხელფასს ითვალისწინებს.

უელსელს სამეფო კლუბთან ხელშეკრულება 2022 წლის ზაფხულში ეწურება, „ბლანკოსს“ კი მისი კონტრაქტის დასრულებამდე კიდევ 34 მილიონი ევრო აქვს გადასახდელი.

ფლორენტინო პერესმა სწორედ აღნიშნული გარემოების გამო შესაძლოა მოთამაშე 10 მილიონად გაუშვას და ამით სახელფასო დანახარჯის დაზოგვა მოახდინოს.

ფაქტია, რომ გარეთი სამეფო კლუბს აღარაფერში სჭირდება, მსურველი კლუბი კი მსოფლიოს ერთ-ერთი წარჩინებული მოთამაშის დამატებას „ჩალის ფასად“ შეძლებს.