პოლ პოგბას პროფესიონალიზმში ეჭვი არავის ეპარება და ზინედინ ზიდანის ხედვებისაც ყველას სჯერა, მაგრამ ფრანგ ფეხბურთელს ერთი დიდი პრობლემა აქვს.

თითქმის ყველა სეზონში პოგბა ტრავმების გამო მინიმუმ 2 თვეს არ თამაშობს. ის „იუნაიტედში“ გადასვლის შემდეგ ძალიან ტრავმიანი ფეხბურთელი გახდა, თუმცა არც „იუვენტუსის“ ღირსებას იცავდა დაზიანებების გარეშე.

მსოფლიო ჩემპიონში ასტრონომიული თანხის გადახდა გარკვეულ რისკებთან არის დაკავშირებული, რაც პირველ რიგში დაზიანებებს ითვალისწინებს.

თუ ზიდანი გათვლას პოლზე გააკეთებს და ნახევარმცველი სეზონში 2-3 თვეს გამოტოვებს, „რეალს“ დიდი პრობლემები შეექმნება.