Defensacentral-ის ინფორმაციით, იურგენ კლოპი კილიან მბაპეს ესაუბრა...

გერმანელი სპეციალისტი სერიოზულად გააქტიურდა და ფრანგ ფეხბურთელში ძალიან დიდ პოტენციალს ხედავს.

ამით კლოპი, ერთგვარად სამაგიეროს გადახდასაც აპირებს ზიდანისთვის, რომელიც „ლივერპულიდან“ სადიო მანეს წამიყვანაზე ზრუნავს.

Le10Sport-ის ინფორმაციით, კლოპი ინტენსიურ კავშირზეა მბაპეს მამასთანაც, რომელიც ასევე ფეხბურთელის წარმომადგენელია. ფეხბურთის გერმანელი სპეციალისტი კილიანის მამას უმტკიცებს, რომ „ლივერპულში“ ტრანსფერის შემთხვევაში, მომავალი 10 წელი ეპოქალური იქნება და მერსისაიდული კლუბი მწვერვალების დაპყრობას განაგრძობს.

როგორც სჩანს, სამეფო კლუბს მბაპესთვის ბრძოლაში ძალიან სერიოზული კონკურენტი ეყოლება. ამასთანავე უნდა აღინიშნოს, რომ „ლივერპულისა“ და „პსჟ“-ს ხელმძღვანელობას ერთმანეთთან კარგი ურთიერთობა აქვს.

ამასთანავე, არაერთმა ავტორიტეტულმა გამოცემამ აღნიშნა, რომ მბაპე „რეალთან“ შეთანხმებულია და „პსჟ“-დან წასვლის შემდეგ მადრიდის გარდა არსად ითამაშებს, თუმცა ეს ყველაფერი შესაძლოა ზიდანის ფაქტორმა შეარყიოს. ზინედინს „ბლანკოსთან“ კონტრაქტი 2022 წელს ეწურება, სწორედ იმ დროს, როცა მბაპეს პარიზელებთან.