ჰოლანდიის ჩემპიონატის მიმდინარე სეზონი დასრულებულია.

„ერედივიზიონი“ გაუქმდა და ჩემპიონიც არ დასახელდა. ნიდერლანდებში ფეხბურთს მომდევნო სეზონიდან განაახლებენ.

„მარკა“ იუწყება, რომ ლა ლიგაში ანალოგიურ პოზიციას არ იზიარებენ და თვლიან, რომ ჩემპიონატი უნდა დასრულდეს.

პირველ რიგში ამ გადაწყვეტილებას ის განაპირობებს, რომ ლა ლიგა გაცილებით მაღალშემოსავლიანი და რეიტინგულია, ვიდრე „ერედივიზიონი“. ჰოლანდიის ჩემპიონატის ზარალი ლა ლიგის ზარალის 25%-საც ვერ მიაღწევს.

სწორედ ზემოაღნიშნული გარემოებებიდან გამომდინარე, ლა ლიგის ხელმძღვანელობა მკაცრად დაიცავს გაწერილ პროტოკოლს და მაქსიმალურად ეცდება, რომ ჩემპიონატი განახლდეს და თასის მფლობელიც გამოვლინდეს.