ბრიტანული The Sun-ის ინფორმაციით, „რეალის“ გარეთ ბეილს ძვირად ვერ გაყიდის.

ბრიტანულ გამოცემებზე დაყრდნობით, კორონავირუსული ინფექციიდან გამომდინარე, ფეხბურთელთა ფასი ისედაც მნიშვნელოვნად შემცირდება.

გარეთ ბეილის სანაცვლოდ „ბლანკოსს“ 50-60 მილიონი ევროს მიღება მაინც სურს, მაგრამ ბრიტანელებს განსხვავებული პოზიცია აქვთ და დარწმუნებულები არიან, რომ გარეთის ფასი მაქსიმუმ 30 მილიონი ევრო იქნება.

გამომდინარე იქედან, რომ მიმდინარე სეზონი გარეთისთვის სრული ფიასკო იყო, მისი ფასი კიდევ უფრო შემცირდა.

სულ რაღაც 1 წლის წინ „რეალმა“ მიუნხენის „ბაიერნის“ 80 მილიონიანი წინადადება დაბლოკა, რასაც ახლა სავარაუდოდ ძალიან ნანობს.